牢騷新世界

又要move

viu866 — Sat, 15 Mar 2008 22:39:27 +0800

天下無不散之延籍

或許, 我們已經緣盡.

再會

生離死別

viu866 — Thu, 28 Feb 2008 03:04:36 +0800

這四個字對我來說並不陌生. 以前曾經離開過熟悉的地方, 熟悉的人. 又有些親朋戚友離世. 有不依依不捨的. 有倦戀的. 有傷心的. 有欲哭無淚的. 如果你說我已經無感覺, 不如說我已經看透. 我深信有太多的事情是你不可以控制, 你可以做的, 就是當你還擁有一個人, 你要盡量去愛. 當你還可以做一件事, 應該付出所有去完成. 因為你唔會知道下一秒, 你還可以擁有多久? 當然包括你的生命.

原來

viu866 — Sat, 08 Sep 2007 23:31:53 +0800

想不到原來已經有三個多月, 沒有寫blog. 本來寫了"十年" 都已經停了筆. 一回憶, 就有點傷感. 不境, 人始終是人. 總有一些不想想起和不能想通的事. 這三個月, 變化多了. 聼了別人的三角故事, 而自己進升了一級, 有4條友under自己, 公司sec 又走了. 短短三個月, 好似又過了很久. 或者, 真是變幻原是永恆.

如果你是常在心....

viu866 — Sun, 03 Jun 2007 16:39:56 +0800

這幾日, 同事z 問: 如果你是常在心, 會唔會選擇得得地?

我答: 唔會. 根本常在心分唔清對得得地是愛還是報答. 面對得得地, 就會想起 Alfred. 究竟是感動? 還是愛情? 這一份感情背負太多的事, 真的可以有結果嗎? 如果是喜歡, 同Alfred分開的兩年, 就會同得得地一起, 為什麼要等到 Alfred 死, 先可以一起? 不用拍拖, 就能夠結婚?

同事即說, 究竟是常在心的想法, 還是你自己?

或者, 劇集始終是劇集. 根本沒有現實的元素.

(閱讀全文)

Apprentice

viu866 — Sun, 13 May 2007 15:16:57 +0800

兩年前, 一個深夜一看"apprentice", 已經愛上. 嗰一集係講買lemon juice. 一個有錢佬, 請徒弟, 要全美國人都知道. 如果win, 當然係有好處; 但如果lose, 全美國人都知道自己幾無能. 不過, 要入圍都好似好難. 個個唔係Harford, 就連Olympic 都攞埋. 上星期, Mr. Trump 話最鍾意睇人lose, 因為可以看到平日幾friend, 到boardroom, 就見到人性. 人性當然是自私自利. 為咗名利都會狂插對手.

這一輯, 我也愛看. 係一個job interview既時候, 愛上對手. 攪到影響成team人. 原來, self-control 都係一種鍛鍊. 上輯, Sean比今輯既 Tim 成熟. 就算愛人都等完咗個interview. 更發現, 成功的人不會被兒女私情影響, 要果斷, 有較率, 有責任感, 而且要懂得同人相處. 有時還要小心說話. 萬一被老細覺得講嘢stupid, 都會 "you're fried!"

(閱讀全文)

執著

viu866 — Thu, 10 May 2007 12:52:50 +0800

十多年前的我是很執著的人. 認為是對的, 都會堅持到底. 直至堅持得不到結果的時候, 先至發覺, 凡事原來沒有對與錯. 只是自己太執著要得到某一個結果. 經歷過後, 我以為自己不再執著. 但有一次, 有個老朋友說: 你一點都沒有改變, 仍然很執著.

既然結果是不可以控制, 我相信一個開始是可以控制得到. 原來我又一次執著: 一個開始. 因為開始是可以選擇. 可以選擇和誰戀愛, 和誰做朋友. 但原來最後都係得不到某一個結果. 現在, 又至發覺, 原來關係只有愛與不愛. 最終只是太過執著要一個怎樣的結果. 先至執著怎樣的開始.

(閱讀全文)

舊嘢

viu866 — Sun, 06 May 2007 17:42:19 +0800

我相信你同我一樣, 床下底有太多不可告人的秘密. 其實, 這一切都係舊嘢, 在其他人眼中, 只不過是垃圾. 我床底有一大堆舊信, 記念冊, 毛毛公仔, 惜日的生日禮物, 手信, 戲飛, 想見與不想見的回憶, 都可以找到. 講真, 有時不用尋找, 只聼到一首熟悉的歌, 經過熟悉的街角. 段段回憶都歷歷在目. 遺忘已舊的心情, 又再湧起. 有時想, 究竟是腦的容量大, 還是心的容量比較大? 自從setup stickam, 每首歌都有回憶和人物.

你同我, 有沒有相同的感受?

老無病

viu866 — Sat, 05 May 2007 13:59:13 +0800

當一個人太過獨立, 自主的時候, 老無病又發作. 又或者已習慣無人可以幫手. 樣樣事都親力親為. 有時已經分不清楚自己是男還是女. 有一次就算同異性去看戲, send email 給他, 還主導話要買戲飛, book 枱食飯. 嚇他一跳. 可能身邊的女性朋友都依賴我去做這樣工作. 慢慢, 真的習慣成自然.

其實, 這老無病產生一些無形的壓力. 經常覺得唔靠自己, 仲可以靠邊個 ? 又或者總覺得自己會比其他人做得完美, 有條理. 有時想, 這樣真的很辛苦. 沒有一個可依賴, 信得過的人在身邊.

如果你還擁有一個, 請珍惜吧!

今天去看spiderman3, 老無病其實兩星期前已經發了作, 但友人先說去book飛, 如果唔係, 我又攬上身.

家事

viu866 — Sat, 28 Apr 2007 23:10:20 +0800

近日很喜歡看<溏心風暴>, 很喜歡看鬧人的場面, 對白很精景. 細媽明明身有屎, 都可以理直氣壯大大聲. 認真好戲. 曾經有人同我講看電視是浪費時間. 但我始終覺得電視劇可以學到做人, 做事的技巧. 最重要是可以同朋友溝通. 當是茶餘飯後的話題, 最好不過.

話時話, 電視劇始終同現實有一大段距離, 或者就可以藉住短短的一小時, 途避現實的枷鎖, 代入別人的家事. 面對愛情的情節, 又會想自己會不會像主角一樣那麼傻?! 當然有時身同感受, 有時又有種看不過眼的感覺.

有時想, 還有想追電視劇集的感覺, 真好.

(閱讀全文)

星期六

viu866 — Mon, 16 Apr 2007 22:58:06 +0800

每一次星期六起身上班, 都好討厭. 因為有4年都不用返星期六, 就算是要返, 都是"三點不露". 無下午三點都不會出現在office. 現在過去了要上班的111個星期六. 仍然不想習慣, 星期六不想上班. 走進長長走廊, 心想: 星期六點解要上班? 真的很想找一份不用星期六上班的工.

曾經向老細講過: 過了兩年, 我仍然不習慣星期六要上班.

老細說: 這樣, 星期六去放假.

心想: 老細, 你又吹水.

現在看到"5 days work"的字眼, 都兩眼發光.

唉.......

why me

viu866 — Thu, 05 Apr 2007 23:55:01 +0800

我經常問自己: why me? 又係我? 有無攪錯?

當然不論是工作, 還是在家. 人越大, 責任越大. 有時真不知道點解人要承受這樣的壓力. 或者, 我是承受不起壓力. 我討厭種種責任. 可能我的膊頭沒有男人那麼壯. 又或者我是一個害怕責任, 喜歡逃避責任的人.

記得自己讀中學的時候, 很多時發一個怪夢: 夢見自己托住一大塊石頭, 比一座山還要大.

對我來說這個是個惡夢, 扎起身一定走去阿媽阿爸間房. 同佢哋講: 我發惡夢, 然後同佢哋一起睡. 現在, 人大了, 又怎能這樣做? 其實, 又可以怎樣做?

殘酷的現實

viu866 — Sun, 18 Mar 2007 22:44:28 +0800

一直都明白現實是殘酷, 星期五看見自己個 staff 攞住f4紙箱離開, 真係好似拍電影. 但我真估唔到cfo 話可以date back 7 日通知, 叫佢即日走. 那時, 大家知道自己還有利用價值, 如果唔係想留都幾難.

曾經有想過對我個staff 好d, 為她講好說話, 或者佢可以留下來. 這樣就對自己殘忍, 做埋佢份. 明天, 又有一個同grade 的人來. 我想, 我是時候離開.

真的, 真的很想.

Bais

viu866 — Sat, 24 Feb 2007 22:11:53 +0800

不知道你是否覺得當你不喜歡一個人, 就連他的出現都覺得討厭. 正所謂相由心生, 面目可憎. 但亦不知道點解, 這種樣衰的人, 都有market, 都有擁護者. 還愛到死心塌地. 自問真的不懂欣賞. 如果世界上只得這種人, 我都不會選擇, 寧願自己一個.

雖然人不可以貌相, 但當你label 咗一個人的時候, 無論他怎樣改變得好. 你只會覺得他不知所謂. bais 始終係 bais.

記得與不記得

viu866 — Mon, 12 Feb 2007 23:55:01 +0800

今年是最多人唔記得我的生日．　明白，記得與不記得亦只是一個意識或者是反應．　寧願唔記得那一個人係我自己．　起碼可以唔記得自己幾多歲．不用給時間提醒自己是沒有太多時間．　這兩個月，工作十分比忙碌．辭工的念頭又來．　老是問自己：究竟為什麼而活？已明白自己有離心．　

亦明白，對公司可以多不負責任．但對自己卻不可以．何況還有家人？

舒一口氣

viu866 — Sun, 14 Jan 2007 00:26:28 +0800

相信係世界上, 最開心就是做到自己好想做的一件事. 同樣, 最痛苦就是明知事實的真相, 但係唔講得. 所以, 我終於今日做咗其中一件好想做的事. 講咗事實真相比老細知. 成個人十分舒服. 比擁有金錢還開心. 雖然加人工不太理想, 但總得自己還有利用價值. 講真, 相比以前公司, 我覺得現在這間公司對員工很不錯. 好想再找多一點東西, 和舒多一點點氣!

"人善人欺, 天不欺; 人惡人怕, 天不怕" -- 果然是金句.